(فوٹواے پی)
بیجنگ میں ہاف میراتھن مقابلے میں ہیومنائیڈ روبوٹ نے تاریخی کامیابی حاصل کی ۔ یہ روبوٹ کے شعبے میں تحقیق و ترقی کے شعبے میں بڑی چھلانگ ہے۔ ربورٹ نے 21 کلومیٹر طویل فاصلہ صرف 50 منٹ اور 26 سیکنڈ میں طے کیا اور اتنے ہی فاصلے کے انسانی ریکارڈ کو پارہ پارہ کردیا۔
اتوار کے روز بیجنگ میں روبوٹس کے لیے منعقدہ ہاف میراتھن ریس جیتنے والے ایک ہیومنائیڈ روبوٹ نے چین کی تکنیکی ترقی کا مظاہرہ کرتے ہوئے انسانی عالمی ریکارڈ سے بھی زیادہ تیز دوڑ لگائی۔
چینی اسمارٹ فون بنانے والی کمپنی آنر کے تیار کردہ اس فاتح روبوٹ نے 21 کلومیٹر (13 میل) کا فاصلہ 50 منٹ اور 26 سیکنڈ میں طے کیا، جیسا کہ بیجنگ اکنامک ٹیکنالوجیکل ڈولپمنٹ ایریا، جسے بیجنگ ای-ٹاؤن بھی کہا جاتا ہے، کے وی چیٹ پوسٹ میں بتایا گیا، جہاں سے یہ ریس شروع ہوئی تھی۔
یہ وقت انسانی عالمی ریکارڈ ہولڈر یوگنڈا کے جیکب کیپلیمو سے بھی بہتر تھا، جنہوں نے مارچ میں لزبن روڈ ریس میں یہی فاصلہ تقریباً 57 منٹ میں طے کیا تھا۔اس روبوٹ کی کارکردگی گزشتہ سال کی پہلی ریس کے مقابلے میں ایک نمایاں پیش رفت تھی، جب فاتح روبوٹ نے یہی فاصلہ 2 گھنٹے، 40 منٹ اور 42 سیکنڈ میں مکمل کیا تھا۔
