(فوٹواے پی)
عالمی درجہ بندی میں آٹھویں نمبر پر موجود اندریوا نے ہفتے کو کھیلے گئے فرنچ اوپن ویمنز سنگلز فائنل میں پولینڈ کی کوالیفائر ماجا خوالنسکا کو 3-6 اور 2-6 سے شکست دے کر ٹائٹل اپنے نام کر لیا۔
روسی ٹینس کھلاڑی میرا اندریوا 15 سال کی عمر میں ہی غیرمعمولی صلاحیتوں کی حامل کھلاڑی سمجھی جاتی تھیں اور اب 19 سال کی عمر میں وہ گرینڈ سلیم چیمپئن بن چکی ہیں۔عالمی درجہ بندی میں آٹھویں نمبر پر موجود اندریوا نے ہفتے کو کھیلے گئے فرنچ اوپن ویمنز سنگلز فائنل میں پولینڈ کی کوالیفائر ماجا خوالنسکا کو 3-6 اور 2-6 سے شکست دے کر ٹائٹل اپنے نام کر لیا۔
میرا اندریوا پہلی بار 2023 کے میڈرڈ اوپن میں عالمی توجہ کا مرکز بنیں، جہاں صرف 15 سال کی عمر میں انہوں نے ڈبلیو ٹی اے 1000 ایونٹ کے مین ڈرا میں میچ جیتنے والی تیسری کم عمر ترین کھلاڑی ہونے کا اعزاز حاصل کیا اور کوارٹر فائنل تک رسائی حاصل کی۔
حالیہ برسوں میں انہیں روس اور یوکرین جنگ کے باعث غیرجانبدار حیثیت کے تحت کھیلنا پڑا اور وہ اپنے ملک کے جھنڈے کے بغیر مقابلوں میں شریک ہوتی رہی ہیں۔
سیمی فائنل میں یوکرین کی مارٹا کوستیوک کے خلاف کامیابی کے بعد کوستیوک نے روایتی مصافحہ نہیں کیا جیسا کہ یوکرینی کھلاڑی 2022 میں جنگ کے آغاز کے بعد روسی کھلاڑیوں کے ساتھ کرتے آئے ہیں۔
